Your Basket is Empty Checkout

Back to previous page

Pāhana ʻĀina Lupalupa: Puke ‘Ike Kahua ‘Epekema: He Aha Ia Mea he Loko I'a?

Pāhana ʻĀina Lupalupa: Puke ‘Ike Kahua ‘Epekema: He Aha Ia Mea he Loko I'a?

Price: $8.00

Code: 978-0-87336-395-2

Puke ʻIke Kahua ʻEpekema:  Loko Iʻa     

No ka Papa: 1 (akā, ʻo nā ʻano pae makahiki like ʻole ke nanea a hoʻopaʻa i ʻike hou!)  

Ua ʻūlū ʻia nā ʻeke ʻaina awakea, pūlima ʻia hoʻi nā palapala hoʻokuʻu, a ke holo mai nei nō ke kaʻa ʻōhua. ʻO ka lawe wale mai nō koe o kahi mākoi! I ka loko iʻa ana hoʻi ʻoukou e huakaʻi ai! Na nā kiʻi luaʻehu a me nā ʻōlelo piha ʻike e hoʻoholoholo mai iā ʻoe me kāu mau mea heluhelu ʻōpiopio i nā loko iʻa Hawaiʻi e koe nei. Kala kahiko ko lākou kūkulu ʻia ʻana, a kākaʻikahi ko lākou nui mai ka 450 a ʻoi ma mua. Noʻiau ka mahi iʻa ʻana a ka poʻe kahiko ma nā loko iʻa Hawaiʻi, kahi e noke nei i ka hānai, ka hoʻoulu, ka hoʻonaʻauao, a me ka hoʻoikaika i nā kaiaulu a hiki i kēia wā. ʻO kēia nō ka lā o ka ʻike: e aʻo no nā ʻano loko iʻa Hawaiʻi like ʻole, nā pae ulu o nā iʻa o loko, a me ke akamai o ka poʻe kahiko ma ka hoʻokumu ʻana i ia mau wahi hānai iʻa. 

ʻOiai, ua hiki nō i kēia puke ke kū hoʻokahi, he hoa hele nō hoʻi ʻo ia no nā puke o ka ʻope loko iʻa o Pāhana ʻĀina Lupalupa (PAL), he pūkaʻina puke ʻepekema Hawaiʻi. ʻĀwili ʻia ma PAL ka ʻōlelo Hawaiʻi, ka moʻomeheu Hawaiʻi, a me ka ʻike Hawaiʻi me ka mākau heluhelu a me nā manaʻo ʻepekema e kū ana i ke ana hoʻohālike kaumokuʻāina. Ma ka ʻōlelo Hawaiʻi i haku ʻia ai nā puke; ma hope ka unuhi ʻia ma ka ʻōlelo Pelekānia. Ua haku ʻia hoʻi na nā lima noʻeau o nā kumu kula Hawaiʻi, nā laekahi aʻo heluhelu, a me nā laekahi hoʻomohala haʻawina ʻōlelo Hawaiʻi, me ke aʻoaʻo pū a nā akeakamai a me nā loea ʻike maʻiʻo.

Related Item(s)

The Kamehameha Schools eMall is operated under a licensing agreement with Delivery Hawaii, Inc.