Your Basket is Empty Checkout

Back to previous page

Pāhana ʻĀina Lupalupa: ʻOpe Maka Mua 1 - Kālai Pili Ola

Pāhana ʻĀina Lupalupa: ʻOpe Maka Mua 1 - Kālai Pili Ola

Price: $80.00

Code: 978-0-87336-417-1


E MAKAHIʻO
i nā kaiapuni Hawaiʻi a me ko lākou mau meaola kupaianaha. 

E AʻO i ka ʻike Hawaiʻi.

E KAUNĀNĀ i nā hana e mālama ai i ka honua.

 

He pūkaʻina puke ʻepekema Hawaiʻi ʻo Pāhana ʻĀina Lupalupa (PAL) nāna e hoʻomākaʻikaʻi i nā mea heluhelu ma kekahi huakaʻi ʻimi naʻauao i nā kaiapuni like ʻole o Hawaiʻi. Mai nā nahele o uka e kākua ana i ka noe a hiki i ke kai uluwehiwehi, e pā ana kēlā kihi, kēia kihi i ka mea heluhelu. E launa ana kāu keiki me ka puʻu koa, ka pāoʻo, ka wiliwili, a ia meaola ʻāpaʻakuma aku, ia meaola ʻāpaʻakuma aku. No Hawaiʻi pae ʻāina wale nō lākou; ʻaʻole loaʻa ma kekahi ʻāina a puni ka honua. E hiaʻai ana ka manaʻo o ka ʻimi loa i nā kiʻi luaʻehu a me nā ʻōlelo piha ʻike. E paʻa ke kahua ʻike Hawaiʻi o ka mea heluhelu ma ka ʻōlelo a me ka moʻomeheu Hawaiʻi.



Kāheka (Pae Heluhelu HA–MA; No ka Papa: M)

E komo poʻo a hiʻu ma ke kāheka e launa ai me nā kupa o laila a e ʻike i ko lākou mau māhele kino kamahaʻo nāna e kiʻi i ka meaʻai hoʻoheno o ke kai, he limu!


Loko Iʻa (Pae Heluhelu HE–PE; No ka Papa: 1)

E holoholo kākou i ka loko iʻa! E aʻo no nā ʻano loko iʻa Hawaiʻi like ʻole, nā pae ulu o nā iʻa o loko, a me ka hana nui a nā kahu loko.


Kaianoho (Pae Heluhelu HI–LI; No ka Papa: 2)

E ʻohi i ka lama o ka ʻike no nā kaianoho Hawaiʻi ma ka nahele maʻukele! E aʻo no nā meaola kupaianaha o ka nahele maʻukele a me ke ʻano o ka nohona kaianoho Hawaiʻi.


Kaiaola (Pae Heluhelu HO–LO; No ka Papa: 3)

E hahai i ka pōʻaiapuni wai i mea e ʻike ai i ka hopena o nā kaiaola Hawaiʻi a me ko lākou mau meaola i ka wā lako a nele i ka wai ola a Kāne.



He hoa hele kahi Puke ʻIke Kahua ʻEpekema no kēlā me kēia ʻope puke e hoʻohālikelike ai i ka heluhelu maikaʻi ʻana; e nānā pū ka makua me ke keiki, ke kumu me ka haumāna i ka manaʻo ʻepekema a manaʻo Hawaiʻi nui o loko o ka ʻope; e noʻonoʻo a e kūkākūkā i nā nīnau koʻikoʻi; e aʻo mua i ka ʻike pohihihi e ʻike hou ʻia ana ma nā puke pae heluhelu; a e aʻo i kekahi ʻike Hawaiʻi hou aku.


ʻĀwili ʻia ma PAL ka ʻōlelo Hawaiʻi, ka moʻomeheu Hawaiʻi, a me ka ʻike Hawaiʻi me ka mākau heluhelu a me nā manaʻo ʻepekema e kū ana i ke ana hoʻohālike o ke kaumokuʻāina. Ma ka ʻōlelo Hawaiʻi i haku ʻia ai nā puke; ma hope ka unuhi ʻia ma ka ʻōlelo Pelekānia. Ua haku ʻia hoʻi na nā lima noʻeau o nā kumu kula Hawaiʻi, nā laekahi aʻo heluhelu, a me nā laekahi hoʻomohala haʻawina ʻōlelo Hawaiʻi, me ke aʻoaʻo pū a nā akeakamai a me nā loea ʻike maʻiʻo.

I ʻikepili a kumuwaiwai hou aku paha, e kele i www.kamehamehapublishing.org/PAL. 


He aha ko loko?

16 puke pae heluhelu 

Puke ʻIke Kahua ʻEpekema


Related Item(s)

The Kamehameha Schools eMall is operated under a licensing agreement with Delivery Hawaii, Inc.